Түбән Камада тугыз көн эчендә 58 машина йөртүчегә каршы як полосага чыккан өчен штраф билгеләнгән

Түбән Камада 7-16 март көннәрендә «Каршы як полоса» оператив-профилактик чарасы узды. Бу хакта шәһәрнең Дәүләт автоинспекциясе матбугат хезмәте яза.

Инспекторлар каршы як полосага чыгу белән бәйле кагыйдәләрне бозуның 58 очрагын ачыклаган. 

Мондый хокук бозу өчен биш мең сум күләмендә штраф яки дүрт айдан алты айга кадәр транспорт чаралары белән идарә итү хокукыннан мәхрүм итү каралган. Ә кабаттан бозган очракта — йөртүче бер елга машина йөртү хокукыннан мәхрүм ителә.

Фото: социаль челтәрләр