Түбән Камада сәнәгать зонасында «Гранта» машинасы кюветка төшкән

Түбән Кама сәнәгать зонасында берьяклы БСИ юлы буенча юл-транспорт һәлакәте булды. Бу хакта шәһәрнең ЮХИДИ матбугат хезмәте хәбәр итә.

Бу вакыйга 16 майда иртәнге сәгать дүртләр тирәсендә була. Беренчел мәгълүматлар буенча, 51 яшьлек шофер «Лада Гранта» автомобиле руле артында шәһәр ягына бара һәм рөхсәт ителгән тизлекне арттыра. Ир-ат идарә итүне югалтып, кюветка очып төшә.

Авария нәтиҗәсендә шофер ябык баш җәрәхәте ала, иңбашы сына. Ир-ат госпитализацияләнгән.

Хәзер юл-транспорт һәлакәтенең барлык шартлары ачыклана.