Түбән Камада иртәнге рейд вакытында 27 шоферга беркетмә төзелгән

Түбән Камада 15 февраль иртәсендә ЮХИДИ «Тоннель» оператив-профилактик чара үткәрде.

Тикшерү Соболевская автомобиль юлында һәм Чистай урамында узды.

«Тоннель» аша барлыгы 350дән артык автомобиль узды, дип сөйләде ЮХИДИ пропаганда инспекторы Ландыш Фәрхетдинова.

27 машина йөртүче җаваплылыкка тартылган.

Транспорт чарасы белән исерек хәлдә идарә итү, машина йөртү таныклыгы булмау кебек бозуларга аерым игътибар бирелгән, шулай ук ЮХИДИ инспекторлары балаларны йөртү кагыйдәләренең үтәлешен, автомобильнең техник төзеклеген тикшергән.