Түбән Камада җиңел машина җәяүлене бәрдергән

Чәршәмбе, 11 декабрьдә, 6 сәгать 10 минут тирәсендә Түбән Каманың Вокзальная урамындагы 30 йорт каршында юл-транспорт һәлакәте булган.

Шәһәр дәүләт автоинспекциясе мәгълүматлары буенча, «ЛАДА Гранта» машинасының 38 яшьлек йөртүчесе җәяүлене бәрдерә. Зыян күрүче — 72 яшьлек ир-ат. 

Җәяүле төрле дәрәҗәдәге җәрәхәтләр белән Түбән Кама хастаханәсенә озатыла. Автоинспекторлар юл-транспорт һәлакәте шартларын ачыклый.

Фото: Түбән Кама районы буенча ДАИ