Түбән Камада ике ай эчендә каршы як полосага чыккан өчен 240 машина йөртүчегә штраф бирелгән

ЮХИДИ хезмәткәрләре искәртеп узганча, каршы як хәрәкәт полосасына чыгу юл хәрәкәте кагыйдәләрен иң куркыныч бозуларның берсе булып санала.
Ике ай эчендә Түбән Кама муниципаль районы территориясендә юл хәрәкәте кагыйдәләрен бозуның 240тан артыгы ачыкланган, дип хәбәр итә район Дәүләт автоинспекциясенең матбугат хезмәте.

Мондый хокук бозу өчен биш мең сум күләмендә штраф яки дүрт айдан алты айга кадәр машина йөртү таныклыгыннан мәхрүм итү каралган. Ә кагыйдәне кабат бозган өчен праваны бер елга алырга мөмкиннәр.

Шуңа бәйле рәвештә инспекторлар юл хәрәкәте кагыйдәләрен үтәргә чакыра.