Түбән Камада ял көннәрендә исерек килеш руль артына утырган 12 кеше машина йөртү хокукыннан мәхрүм ителгән

Узган ял көннәрендә 12 түбәнкамалы машина йөртү таныклыгыннан мәхрүм ителгән. Сәбәбе — руль артына исерек килеш утыру, дип хәбәр итә шәһәр Дәүләт автоинспекциясенең матбугат хезмәте.

«Хокук бозучыларга карата административ материаллар төзелгән, аларның автомобильләре махсус тукталышка куелган», — дип билгеләп үттеләр дәүләт автоинспекциясендә.

Инспекторлар искәрткәнчә, исерек килеш машина йөрткән өчен 30 мең сум күләмендә штраф каралган. Моннан тыш, ике елга машина йөртү таныклыгын да алалар. Ә инде икенче тапкыр исерек килеш ЮХИДИ кулына эләккән кешене ике елга ирегеннән мәхрүм итәргә дә мөмкиннәр.