Түбән Камада гыйнвар аенда зыян күрүчеләр белән 10 юл һәлакәте булган
Балигъ булмаганнар катнашында бер юл-транспорт һәлакәте теркәлгән.
Түбән Кама Дәүләт автоинспекциясендә 2023 елның гыйнвар ае өчен юллардагы аварияләргә йомгак ясадылар. Бу хакта ведомствоның матбугат хезмәте хәбәр итә.
Бу чорда зыян күрүчеләр белән ун юл-транспорт һәлакәте булды, аларда 13 кеше төрле дәрәҗәдәге җәрәхәтләр алды. Шулардан:
шоферлар гаебе белән сигез юл һәлакәте булган, аларда 11 кеше җәрәхәтләнгән;
җәяүлеләр гаебе белән ике юл-транспорт һәлакәте булган, аларда ике кеше зыян күргән.
Моннан тыш, балигъ булмаганнар катнашында бер юл-транспорт һәлакәте булган.
«Юлда бик игътибарлы булыгыз һәм юл хәрәкәте кагыйдәләрен тайпылышсыз үтәгез! Онытмагыз, юл куркынычсызлыгы безнең һәрберебезгә бәйле!»- дип искәрттеләр Дәүләт автоинспекциясендә.
"Одноклассники"да сезне көтеп калабыз.
Следите за самым важным и интересным в Telegram-каналеТатмедиа
Нет комментариев