Түбән Камада автомобиль ике бала утырган самокатны бәрдергән

Түбән Камада электр самокаты катнашында авария килеп чыккан. Шәһәрнең Дәүләт автоинспекциясе матбугат хезмәте хәбәр иткәнчә, юл-транспорт һәлакәте 3 сентябрьдә көндезге бишләр тирәсендә Химиклар проспектындагы 68нче йорт каршында булган.

Беренчел мәгълүматлар буенча, «Лада-2114» автомобиленең 19 яшьлек йөртүчесе, самокатларыннан төшмичә юлны аркылы чыккан ике баланы бәрдергән. 

Һәлакәт нәтиҗәсендә самокатта булган 10 яшьлек пассажир төрле дәрәҗәдәге тән җәрәхәтләре ала. Аны һәм электр самокаты рулендә булган 9 яшьлек йөртүчене ябык баш мие җәрәхәте, баш мие селкенүе, күкрәк читлеге җәрәхәте һәм тупас корсак җәрәхәте белән хастаханәгә озаталар.

Авариянең сәбәпләре ачыклана.

Фото: Түбән Кама ЮХИДИ матбугат хезмәте