Түбән Камада җәяүлеләр кичүе аша чыгучы әбине машина бәрдергән

Түбән Камада 25 февральдә көндез машина җәяүлене бәрдергән.

Шәһәр дәүләт автоинспекциясенең матбугат хезмәте мәгълүматлары буенча, Renault Duster автомобиленең 61 яшьлек йөртүчесе, Тынычлык проспекты буенча барганда, светофорсыз җәяүлеләр кичүе буенча юлны аркылы чыгучы 75 яшьлек хатын-кызга юл бирмәгән.

Бәрдерү нәтиҗәсендә табиблар зыян күрүченең күкрәк читлеге имгәнүен ачыклаган. Юл-транспорт һәлакәте шартлары ачыклана.