Түбән Камада 22 яшьлек хатын-кыз яңа туган сабыеның гәүдәсен фатир балконындагы тартмада яшереп тоткан

22 яшьлек хатын-кыз яңа туган сабыеның гәүдәсен фатир балконындагы тартмада яшереп тоткан.

Хатын май башында малай таба, бу вакытта өйдә беркем дә булмый. Берничә көннән соң үз-үзенә кул салырга тырышканда аны күреп алып, дәваханәгә озаталар, шул вакытта балкондагы баланы да табалар.

Сабый исән туганмы-юкмы икәне билгесез. Әлеге хатын-кызга карата «Әнисенең яңа туган баланы үтерүе» маддәсе буенча тикшерү башланды. Ханым хатын-кызлар консультациясенә йөклелек буенча исәпкә дә басмаган булган.