Түбән Кама шоферын тонировка өчен 8 тәүлеккә кулга алдылар

Түбән Камада яшәүчене машина пыяласын тонировкалаган өчен сигез тәүлеккә кулга алдылар.

22 яшьлек KIA Rio йөртүчесе машинасының алгы пыялаларын тиешледән артык караңгылаткан өчен инде икенче тапкыр тоткарлана.

Икенче тапкыр тоткарлангач, полиция хезмәткәренең законлы таләбенә буйсынмаган өчен, аңа карата Административ хокук бозулар Кодексының 19.3 маддәсе буенча беркетмә төзелә.

Суд аңа карата административ кулга алу билгеләде, дип хәбәр итә Түбән Кама дәүләт автоинспекциясенең матбугат хезмәте.