Полиция хәбәр итә
Түбән Кама полициясе шәһәр халкын велосипедларын подъездларда калдырмаска чакыра
Җәй җитү белән шәһәрдә велосипед урлаулар артты.
Түбәнкамалыларга велосипедларны һәм самокатларны караусыз калдырмаска киңәш итәләр. Бу аеруча кешеләр күпләп яшәгән урыннарга кагыла.
Полиция хезмәткәрләре кисәтә: урлауга каршы җайланма булу да транспорт чарасының саклануын гарантияләми.
Велосипедны яки самокатны таныш булмаганнарга «йөреп килергә» дигән сылтау белән тапшырырга ярамый. Моннан тыш, шәһәр халкына үз транспортларын подъездларда калдырмаска кушалар.
Исегезгә төшерәбез, җәй җитү белән шәһәрдә велосипед урлаулар артты. Июньнең 20 көнендә генә Түбән Камада сигез велосипед урланган.
"Одноклассники"да сезне көтеп калабыз.
Следите за самым важным и интересным в Telegram-каналеТатмедиа
Нет комментариев