Түбән Кама кешесе үзенең туган көнендә мошенникларга ярты миллион сум «бүләк иткән»

Түбән Камада 42 яшьлек җирле хатын-кыз үзенең туган көнен полиция бүлегендә каршылый — хатын-кыз танышу сайты аша зур афера корбаны була.

Аның сүзләренчә, быел май аенда ул танышу сайтында Виктор исемле ир-ат белән таныша. Ир аның ышанычын бик тиз яулый, затлы тормыш һәм инвестицияләрдән югары керемнәр турында сөйли. Тиздән Виктор аны «уңышлы брокер» белән таныштыра, ул хатын-кызны инвестицияләр турындагы кушымтаны телефонына урнаштырырга күндерә.

Мошенникларның дистанцион җитәкчелеге астында түбәнкамалы берничә банкта кредит карталары рәсмиләштерә. 1 000 сумлык беренче «табыш» аны илһамландыра, һәм тиздән ул җинаятьчеләр счетына 540 мең сумнан артык акча күчерә. Хатын-кыз акчаларны кире алырга тырышып карый, ләкин тиздән моны эшләү мөмкин түгеллеген аңлый.

Түбән Камада яшәүче хатын-кыз мондый алдау схемалары турында белүен, ләкин танышу сайты аша аларга эләгү мөмкин булуын уйламавы турында сөйли. Мошенниклык факты буенча җинаять эше кузгатылган.