Түбән Кама автоинспекторлары пассажирлар йөртүне контрольдә тотуны көчәйтәчәк

13-22 ноябрьдә Түбән Камада ЮХИДИ хезмәткәрләре пассажирлар йөрткәндә закон таләпләрен үтәүне контрольдә тотуны көчәйтәчәк. Шулай ук легаль булмаган ташучыларны ачыклау буенча рейдлар үткәреләчәк.

Аерым игътибар машина йөртүчеләрнең хезмәт һәм ял режимын үтәвенә, транспорт чараларының техник төзеклегенә һәм юл хәрәкәте кагыйдәләрен бозуны профилактикалауга биреләчәк, дип хәбәр итә Россия Эчке эшләр министрлыгының Түбән Кама муниципаль районы буенча ЮХИДИ идарәсенең матбугат хезмәте.