Татарстанлы законсыз урман кискән өчен хөкем ителгән

Мамадышта яшәүче ир-ат законсыз агач кисү өчен җинаять җаваплылыгына тартылган. Урман фондына килгән зыян 170 мең сум дип бәяләнә. Мондый мәгълүматны Россия Федераль суд приставлары хезмәтенең Татарстан Республикасы буенча идарәсе матбугат хезмәтендә җиткерделәр.

Ир-атның бензин пычкысын, балта һәм чанасын тартып алганнар. Хокук хезмәткәрләре башкару производствосын кузгаткан, шуннан соң конфискацияләнгән милекне РФ Җинаять кодексының 104нче маддәсе 1нче өлеше нигезендә дәүләт милкенә тапшырганнар.