Кансызлыкның соңгы чиге

Билгеле булганча, 22 яшьлек егет танышына кунакка килә. Әмма подъездда «фанфурик» эчеп утырган өлкән яшьтәге бер ирне күрә. Сүз артыннан сүз китә, тавыш чыга. Кунак теге ирне кыйнаганнан соң, идәннән флаконны алып, эчендәге сыекчаны (аның спирт булуы мөмкин) өстенә коя һәм тәмәке төпчеген шунда ташлый.

Ирнең киеме дөрләп яна башлый. Янган искә янәшәдәге квартирдан бер хатын килеп чыга. Һәм берничә чиләк су сибеп, утны сүндерә. Хатын әйтүенчә, бу вакытта ут төртүче ярдәм итәргә уйламый, киресенчә, көлеп карап тора. Ә «Ашыгыч ярдәм»гә һәм полициягә шалтыратуын күргәч, чыгып кача. 66 яшьлек ирнең тәне 40 процентка пешкән. Аны Яр Чаллы дәваханәсенең пешкән җәрәхәтләрне дәвалау бүлегенә алып китәләр. Җинаятьчене тиз арада кулга алалар. «Үтерергә омтылу» маддәсе буенча җинаять эше кузгатылган.

Бу квартирда яшәүче ирләр еш кына салганнар, тавыш чыгарганнар, кунакка билгесез кешеләр гел килеп торган. Бу юлы «бәйрәм» кичке сәгать 9да беткән. Икенче көнне төнлә күршеләрне полиция хезмәткәрләре уяткан. Дежур частька туганнарның әшнәсе шалтыраткан. Әмма ул исерек булганлыктан, ни булганын төгәл аңлата алмаган. Аның сүзләренчә, алкоголь беткәч, ирләр таракан агуы эчкәннәр. Тикшерү бара.

Зыян күрүче - 36 яшьлек хатын. Машинасыннан авто-магнитола, колонкалар, артны күзәтү көзгесе - барысы 35 мең сумлык әйбер алганнар. Урлаучылар тиз арада тотылган. 18 һәм 19 яшьлек егетләрдә барлык әйберләр табылган. Җинаять эше кузгатылган.