Бер көндә — ике җәяүле

Узган җомгада җәяүлеләрне бәрдерүнең ике очрагы теркәлгән. Ике очрак та машина артка таба хәрәкәт иткәндә булган. 

Беренче очрак Химиклар урамы 32А йорты каршында булган. «Газель» автомобиленең 30 яшьлек йөртүчесе артка хәрәкәт иткәндә 66 яшьлек хатын-кызны бәрдергән. Зыян күрүче бот сөяге җәрәхәте алып, дәваханәгә китерелә. 

Икенче юл-транспорт һәлакәте күрше ишегалдында 40 минуттан соң булган. "Лада Калина"ның 29 яшьлек шоферы, шулай ук артка хәрәкәт иткәндә, 75 яшьлек пенсионер ханымны тапкан. Әлеге хатын-кыз да дәваханәгә китерелгән. Ике авариянең дә сәбәпләре ачыклана.