2024 ел башыннан Түбән Камада юл транспорт һәлакәтендә 4 бала зыян күргән

2024 ел башыннан Түбән Камада 16 яшькә кадәрге балалар катнашында 5 юл-транспорт һәлакәте булды, аларда 6 кеше төрле дәрәҗәдәге җәрәхәтләр алды.

Моннан тыш, пассажир булган балалар катнашында 3 юл-транспорт һәлакәте теркәлгән, аларда 4 бала зыян күргән. Шулай ук ике җәяүле бала имгәнгән, дип хәбәр иттеләр Түбән Кама районы буенча ЮХИДИ идарәсендә.

Дәүләт автоинспекциясе хезмәткәрләре хәрәкәтнең барлык катнашучыларын юл хәрәкәте кагыйдәләрен үтәргә һәм аеруча язгы-җәйге чорда юлларда игътибарлы булырга чакыра.