Түбән Камада «Тоннель» операциясе барышында юл хәрәкәте кагыйдәләрен бозуның 20 очрагын ачыклаганнар

Түбән Камада «Тоннель» операциясе барышында машина йөртүчеләрне тикшерделәр. Дәүләт автоинспекциясе хезмәткәрләре юл хәрәкәте кагыйдәләрен бозуның 20 очрагын ачыклаган.

Иң киң таралган хокук бозу — автомобиль пыяласын артык тонировкалау. Полиция хезмәткәрләре 7 кешегә штраф салган, шулай ук аларга хокук бозуны бетерү турында күрсәтмә бирелгән. Биш машина йөртүче куркынычсызлык каешын эләктермәгән, өчесе — страховкасыз, икесе балаларны йөртү кагыйдәләрен бозган.