Түбән Камада «Лада Гранта» машинасы җәяүлене бәрдергән мизгел видеога эләккән

Түбән Камада «Лада Гранта» йөртүчесе җәяүлене бәрдергән. Видеоязманы НТР 24 редакциясенә тамашачы тәкъдим итте. 

Язмадан күренгәнчә, вакыйга 29 октябрьдә кичке сәгать дүртләр тирәсендә «Тыныч аллея» тукталышы янында Химиклар проспекты буенча җәяүлеләр кичүендә булган.

Җәяүле, светофор сигналының автомобильләр өчен «яшел» дән «сары» га күчкәндә юлны кичәргә тотына. Видеодан күренгәнчә, «Лада Гранта» йөртүчесе юеш асфальт буенча туктап өлгермәгән, шуңа күрә җәяүле тәгәрмәчләр астына эләккән.

40 яшьлек зыян күрүчене реанимациягә алып китәләр. Юл-транспорт һәлакәтенең нечкәлекләре ачыклана, диелә ЮХИДИ хәбәрендә.