Түбән Камада исерек килеш машина йөртүчеләр катнашында юл-транспорт һәлакәтләре кимегән

2024 елда Түбән Камада исерек килеш машина йөртүчеләр катнашында 11 юл-транспорт һәлакәте булган.

Шәһәр дәүләт автоинспекциясендә билгеләп үтүләренчә, аварияләр саны 2023 ел белән чагыштырганда 10 процентка кимегән.

Автоинспекторлар ассызыклаганча: уңай динамика — шул исәптән системалы аңлату һәм белем күтәрү эше нәтиҗәсе. Әйтик, шәһәрдә «Автотрезвость» дәресләре уза, аларда машина йөртүчеләргә исерек килеш машина йөртү нәтиҗәләре һәм закон буенча җаваплылык чаралары турында сөйлиләр.