Түбән Камада ел башыннан 26 исерек машина йөртүчене ачыклаганнар

Түбән Кама дәүләт автоинспекциясе хезмәткәрләре 2026 ел башыннан руль артына исерек хәлдә утырган 26 машина йөртүчене тоткарлаган һәм идарә итүдән читләштергән.

Бәйрәм чорында машина йөртүчеләрнең аеклыгын контрольдә тоту көчәйтелгән. Ачыкланган хокук бозучылар арасында бер машина йөртүче кабат тоткарланган, бу инде административ түгел, ә җинаять җаваплылыгына китерә.

Дәүләт автоинспекциясендә ассызыклаганча, исерек килеш автомобиль белән идарә итү — үзеңнекен генә түгел, ә башка юл хәрәкәтендә катнашучыларның гомерләрен дә куркыныч астына кую дигән сүз.