Түбән Камада «Җәяүле» операциясе башланды

Түбән Кама халкына шәһәрдә «Җәяүле» операциясе башлануы турында хәбәр иттеләр.

Шәһәр Дәүләт автоинспекциясенең матбугат хезмәте хәбәр иткәнчә, чара 31 октябрьдән 9 ноябрьгә кадәр узачак.

Шуңа күрә инспекторлар җәяүлеләрнең исенә төшерә:

• бернинди очракта да юл аша йөгереп чыгарга кирәкми, хәтта җәяүлеләр кичүе аша да! Кичү буенча атлап кына чыгарга рөхсәт ителә;
• күренә торган кием һәм яктылык кайтаручы аксессуарлар — машина йөртүчеләр сезне күрсен өчен иң җиңел ысулларның берсе.

ЮХИДИ хезмәткәрләренең автомобильчеләр өчен дә киңәшләре бар:

• тизлек режимын дөрес сайларга һәм аннан арттырмаска, кисәк тормозга басудан сакланырга кирәк;
• алда хәрәкәт итүче транспортка кадәр куркынычсыз дистанцияне саклагыз;
• җәмәгать транспорты тукталышларына һәм җәяүлеләр кичүенә якынлашканда, хәрәкәт тизлеген алдан ук киметергә.