Түбән Камада җәяүле катнашында һәр икенче авария «зебра»да булган

Түбән Кама районында «Җәяүле» оператив-профилактик чарасының ике аенда ЮХИДИ хезмәткәрләре юл хәрәкәте кагыйдәләрен бозуның 750 очрагын ачыклаган.

Дәүләт автоинспекциясе матбугат хезмәтендә хәбәр итүләренчә, 6 октябрьдән 7 декабрьгә кадәр җәяүлеләрнең 470 тапкыр хокук бозу очрагы теркәлгән, 280 очрак машина йөртүчеләрнең җәяүлеләр кичүендә юл бирмәве белән бәйле.

2025 елның 11 аенда районда җәяүлеләр катнашында 56 юл-транспорт һәлакәте теркәлгән, аларда 61 кеше зыян күргән. Шул ук вакытта кешеләрне бәрдерүнең 33 очрагы җәяүлеләр кичүендә булган (35 кеше зыян күргән).