Яшь түбәнкамалыны мошенниклар 1,5 миллион сумга алдаган

Түбән Камада 24 яшьлек җирле хатын-кыз үзен почта һәм ФСБ хезмәткәрләре дип таныштырган мошенникларның корбаны булган.

Россия Эчке эшләр министрлыгының Түбән Кама районы буенча идарәсе матбугат хезмәте хәбәр иткәнчә, башта кызга таныш түгел хатын-кыз шалтырата, ул үзен почта бүлеге хезмәткәре дип таныштыра һәм аның исеменә посылка килүе турында хәбәр итә. SMS-хәбәрдән код алганнан соң элемтә өзелә.

Аннары үзен ФСБ хезмәткәре дип таныштырган ир-ат шалтырата. Ул түбәнкамлыга банк счетындагы акчаларының «ВСУга ярдәм итүгә» күчерү омтылышы турында белдерә. «Җинаятьчеләрне тотуда ярдәм итү» сылтавы белән ул корбанын кредитлар рәсмиләштерергә һәм барлык акчаларын «куркынычсыз счетларга» күчерергә күндерә. Түбәнкамалы кредитлар җыя һәм аферистларга 1,534 млн сум күчерә.

Әлеге факт буенча «Мошенниклык» маддәсе буенча җинаять эше кузгатылган.