Түбән Камада җәяүлеләр кичүендә җиде яшьлек кызны машина бәрдергән

Кичә, 21 декабрьдә, Түбән Камада җиде яшьлек кыз иномарка тәгәрмәчләре астына эләгә. Мәктәп укучысы Сөембикә урамындагы светофорсыз җәяүлеләр кичүе буенча юлны аркылы чыга. 

Geely Emgrand EC7 машинасын йөртүче 74 яшьлек шофер балага юл бирми һәм аны бәрдерә. Кыз баланың аягы имгәнә. Бәхеткә, ул госпитализациягә мохтаҗ булмый. Юл-транспорт һәлакәтләренең шартлары ачыклана, дип хәбәр иттеләр шәһәр дәүләт автоинспекциясе матбугат хезмәтендә.