Язгы каникул вакытында балаларга юлларда аеруча сак булырга киңәш ителә

Акциянең максаты — балигъ булмаганнар катнашында юл-транспорт һәлакәтләрен кисәтү, язгы мәктәп каникуллары алдыннан җәяүлеләргә һәм машина йөртүчеләргә тагын бер кат юл кагыйдәләрен искә төшерү. 

Шәһәр дәүләт автоинспекциясендә хәбәр итүләренчә, чара кысаларында мәктәпләрдә юл хәрәкәте кагыйдәләре буенча лекцияләр һәм линейкалар үткәреләчәк, шулай ук ЮХИДИ хезмәткәрләре ата-аналар җыелышында катнашачак. Моннан тыш, каникулларда Түбән Камада балалар һәм яшүсмерләр арасында юл хәрәкәте кагыйдәләрен бозу очракларын ачыклау буенча рейдлар үткәреләчәк.

Түбән Кама дәүләт автоинспекциясе хезмәткәрләре ата-аналардан балаларга юлда куркынычсызлык кагыйдәләрен искә төшерүләрен сорый.