Түбән Камада Лира Фаттыхованы 90 яшьлек юбилее белән котладылар

Түбән Камада хезмәт ветераны, шәһәрнең беренче төзүчесе Лира Фаттыхованы 90 яшьлек юбилее белән котладылар. Туган көнендә аның тирәсенә иң якын кешеләре: балалары, оныклары, күршеләре җыелды. Администрация вәкилләреннән һәм территориаль үзидарә рәисеннән котлау сүзләре яңгырады.

8 нче кварталның ТИҮС рәисе Лира Салиховнаның Төзүчеләр проспектындагы Тын аллеядагы йортларны төзүдә катнашуын билгеләп үтте. 

Лира Фаттыхова Түбән Камага 1963 елда килә. Штукатур-буяучы булып эшли. 

— Җиңел булмады, төзелеш вагоннарында яшәдек, — дип сөйли ул. 

Хезмәт куйган еллары, шәһәр үсешенә керткән өлеше игътибарсыз калмый. Аңа «Хезмәт ветераны» исеме бирелә.

Лира Фаттыхова билгеләп үткәнчә, озак яшәвенең сере — тормыш иптәше һәм тулаем гаилә казанышы. Иптәше белән иңгә-иң куеп яшиләр. Ире вафат, хәзер Лира Салиховна янәшәсендә өч баласы, җиде оныгы һәм оныкчыклары бар.