#МойГеройМояСемья: Байбуров Ярулла Әхмәдулла улы

«Бабам – Ярулла Әхмәдулла улы Байбуров –  бөтен сугышны узды. 80 яшенә кадәр яшәгән. Кызганычка каршы, хәзер ул безнең арада түгел, әмма без аны һәрвакыт истә тотачакбыз. Бабайдан сугыш турында берәр нәрсә сөйләргә сорагач, ул елый башлый һәм торып китә иде. Ул — искиткеч кеше булды. Бабам, без сине һәм синең батырлыгыңны һәрвакыт истә тотачакбыз».

Керчь Кызыл Байраклы авиация полкының 32 нче гвардия бомбардировка авиация мотористы гвардия сержанты Байбуров Ярулла Әхмәдулла улының II дәрәҗә «Ватан сугышы» орденына бүләкләү кәгазеннән.

«1924 елда туган. 1942 елдан Кызыл Армиядә. 1943 елның 20 ноябрендә калак сөяге, уң аягы яралана. 1943 елның гыйнварыннан 102 махсус бригада составында автоматчы сыйфатында сугышта катнаша, анда 1943 елның 12 июненнән 1943 елның 20 ноябренә кадәр сугыша, Арбузов янында дошман белән сугышта яралана. Яралану нәтиҗәсендә Байбуров сафка яраксыз дип таныла һәм 32 нче гвардия полкына моторист вазифасына җибәрелә. Техник белеме булмаганга, ул үз өстендә тырышып эшли һәм кыска вакыт эчендә ул хезмәтләндергән матчастьне тулысынча үзләштерә. ЛИ-2 самолетының матди өлешен чисталыкта һәм хәрби әзерлектә тота. Частьта булган вакытта 80 самолетка хезмәт күрсәтә».