#МойГеройМояСемья: Алексей Васильевич Кузнецов

Түбән Камада яшәүче Фирүзә Бунина #МойГеройМояСемья флешмобына кушылды һәм иренең бабасы Алексей Васильевич Кузнецов турында сөйләде. Быел аңа 100 яшь тулган булыр иде.

Алексей Васильевич Кузнецов — Бөек Ватан сугышы ветераны. Днепрны кичүдә катнаша, 1944 елда авыр яраланып өенә кайта. II дәрәҗә Ватан сугышы ордены белән бүләкләнә, башка медальләре дә бар.

«Хәзер Алексей Васильевичның оныгы, минем ирем, артиллерия расчеты командиры аның батырыгын махсус хәрби операция урынында дәвам итә», — дип уртаклашты түбәнкамалы.