Түбән Камада Казан, Әлмәт һәм Яр Чаллы артистлары чыгыш ясаячак

25-27 августта Түбән Каманың ачык мәйданчыкларында Казан, Чаллы һәм Әлмәт артистлары чыгыш ясаячак. Бу хакта Түбән Кама башкарма комитетының мәдәният идарәсе хәбәр итә.

Җомга, 25 августта, Николай Лемаев исемендәге скверда Әлмәтнең «Легкие крылья» урам театры чыгыш ясаячак. 16 сәгатьтә «Однажды в цЫрке» перформансы, ә 18:15 сәгатьтә — «Немое кино».

Шимбә, 26 августта, «Гаилә» паркында Чаллының «Болгарлар» бию театры чыгышын карап булачак. Чара 17 сәгатьтә башлана.

Якшәмбе, 27 августта, Казан артистлары Татьяна Ефремова һәм Shoner Paul чыгыш ясаячак. Концерт 17 сәгатьтә башлана һәм «Гаилә» паркында узачак.