Түбән Камада өлкән сыйныф укучылары педагог-шагыйрә белән очрашты

Түбән Кама китапханәләрендә педагогларга багышланган һәм укытучы һөнәренең абруен күтәрүгә юнәлдерелгән төрле чаралар үткәрелә башлады. Бу хакта чараны оештыручылар хәбәр итә.

Очрашу Россия Федерациясендә педагог һәм остаз елы кысаларында узды. 2 нче китапханәдә 6 нчы мәктәпнең өлкән сыйныф укучылары Түбән Каманың атказанган педагогы һәм шагыйрә Рушания Габбасова белән аралаштылар.

Шагыйрә балаларга үзенең педагогик эшчәнлеге һәм шигъри иҗаты, аларның үзара бәйләнеше һәм бер-берсенә йогынтысы турында сөйләде.

«Үзләрен шушы бөек һөнәргә, балаларга булган мәхәббәткә багышлаган кешеләр белән очрашулар башка китапханәләрдә һәм мәгариф учреждениеләрендә дә дәвам итәчәк», — дип вәгъдә итә оештыручылар.