Түбән Камада 132 укучы медальгә дәгъва итә

Түбән Камада быел укуда аерым уңышлары өчен медаленә 132 укучы дәгъва итә.

Бу хакта «эшлекле дүшәмбе» дә мәгариф идарәсе башлыгы Айдар Гарифуллин сөйләде.

«Аларга төп фәннәрдән, математика һәм рус теленнән 70 балл җыярга һәм сайлау буенча фәннәрне уңышлы тапшырырга кирәк. Һәм аларның барлык фәннәр буенча аттестатларында «бишле» булу мәҗбүри шарт», — дип аңлатты спикер.

Быел унберенче сыйныфны 897 укучы тәмамлый, бу узган ел белән чагыштырганда 170кә кимрәк.