Татарстанда 16,5 меңнән артык укучы 3 декабрьдә йомгаклау иншасын язачак

Татарстанда 3 декабрьдә 16,5 меңнән артык чыгарылыш сыйныф укучысы йомгаклау иншасы (изложение) язачак, ул дәүләт йомгаклау аттестациясенә кертүнең мәҗбүри шарты булып тора.

Республика мәгариф һәм фән министрлыгы матбугат хезмәте мәгълүматларына караганда, йомгаклау иншасына 16,3 мең чыгарылыш укучысы кертелгән, изложение язуга — 184 кеше. Эшләрне язу 10:00 дә башланачак һәм 3 сәгать 55 минут дәвам итәчәк. Мөмкинлекләре чикләнгән катнашучылар өчен бу вакыт 1,5 сәгатькә арта.

2025/2026 уку елында чыгарылыш укучыларына өч юнәлешкә төркемләнгән алты тема тәкъдим ителәчәк:

«Кеше тормышындагы рухи-әхлакый ориентирлар»;
«Кеше тормышында гаилә, җәмгыять, Ватан»;
«Кеше тормышында табигать һәм мәдәният».

Иншада катнашучылар орфографик сүзлектән, изложение язуда мәктәп бирә торган орфографик һәм аңлатмалы сүзлекләрдән файдалана алачак. Нәтиҗәләр 17 декабрьдә билгеле булачак. 

Йомгаклау иншасын язу өчен өстәмә сроклар 2026 елның 4 февраленә һәм 8 апреленә билгеләнгән.