2024 елда математика буенча төп дәүләт имтиханында калькулятор куллануны тыйдылар

Рособрнадзорның матбугат хезмәте хәбәр иткәнчә, БДИ вакытыннан алда 22 марттан 22 апрельгә кадәр, төп имтихан 23 майдан 1 июльгә кадәр, ә өстәмә сынаулар 4 сентябрьдән 23 сентябрьгә кадәр узачак.

Россия укучылары беренче булып география, әдәбият һәм химия фәннәрен тапшырачак. Алар буенча имтиханнар 23 майга билгеләнгән. Майның 28ендә чыгарылыш укучыларына рус теленнән, ә математика буенча база һәм профильле дәрәҗәдәге белемнәрне 31 майда күрсәтергә кирәк булачак. 

Июнь аенда БДИ түбәндәге предметлар буенча узачак:

• 4 июнь — җәмгыять белеме;
• 7 һәм 8 июнь — информатика;
• 10 июнь — тарих һәм физика;
• 13 июнь — биология һәм чит тел (язма өлеш);
• 17 һәм 18 июнь — чит тел (сөйләм өлеше).

Тугызынчы сыйныфны тәмамлаучылар өчен ОГЭ шулай ук 3 чорга бүленә: вакытыннан алда (23 апрель 18 май), төп имтихан (21 май 2 июль) һәм өстәмә имтихан (3-24 сентябрь). Быел математика буенча имтиханда программалаштырылмаган калькуляторны кулланырга рөхсәт итүче норма гамәлдән чыгарылган.