«Зәкят» хәйрия фонды махсус хәрби операциядәгеләргә 10 миллион сумлык ярдәм күрсәткән

Татарстан Диния нәзарәтенең «Зәкят» хәйрия фонды җитәкчесе Булат Мәрданов МХО зонасындагы мөселманнарга күрсәтелгән ярдәм турында сөйләде, дип яза «Татар-информ».

Мәрданов сүзләренчә узган елда фонд барлыгы 24 миллион сумлык хәйрия ярдәме күрсәткән. Шуларның дүрттән бер өлеше, ягъни 8 миллион сум махсус хәрби операция зонасына җибәрелгән. «Тулаем алганда, без егетләргә 10 миллион сумлык ярдәм күрсәттек. 2022 елның сентябрь анда акция игълан иткән идек, республика халкы хуплап алды», — дип сөйләде ул «ВСЕ СВОИ» телемарафонында.

Акча җылы кием-салымга, азык-төлеккә тотылган.

«Махсус хәрби операция зонасында мөселман ир егетләребез күп. Без 17 мең данә хәләл тушенка, итле банкалар, көрпә, май, шикәр кебек азык-төлек җибәрдек. Тулаем 7 тоннага якын ярдәм китте. Без хезмәт итүче егетләребезнең гаиләләренә дә ярдәм итеп торабыз», — диде ул.

Фонд махсус хәрби операция зонасына хезмәт кораллары, инструментлар, медицина чараларын да җибәргән.

Исегезгә төшерәбез, 17 октябрьдә Татарстанда контракт буенча хәрби хезмәткә ярдәм итү буенча масштаблы патриотик акция уза.

#МарафонВСЕСВОИ #Татарстан #СВО #ВСЕСВОИТМ