Түбән Камадан Рубежный госпиталенә гуманитар йөк җибәрделәр

Түбән Камадан гуманитар йөкнең чираттагы партиясен Рубежное госпиталенә һәм Донецк инвалидлар йортына җибәрделәр.

Шәһәр администрациясенең матбугат хезмәте хәбәр иткәнчә, йөктә җылы әйберләр, урын-җир, гигиена әйберләре, азык-төлек һәм балалар уенчыклары бар.

6, 7 һәм 8 нче микрорайоннарның Террриториаль иҗтимагый үзидарә рәисе Лариса Орлова сүзләренчә, гуманитар ярдәмне атна саен диярлек җибәрәләр. Йөкне формалаштыру һәм аны урынга җиткерү белән Түбән Каманың «Армейское братство» җирле оешмасы шөгыльләнә.