Түбән Камадан ДНР һәм ЛНРга 23 тонна гуманитар йөк җибәрделәр

Түбән Камадан чираттагы гуманитар йөк партиясен Луганск, Донецк һәм Херсон өлкәләренә җибәрделәр.

Йөк составында: азык-төлек, төзелеш материаллары, мотоцикллар, маскировка челтәрләре, махсус җиһазлар, арбалар.

Шулай ук солдатлар өчен исемле посылкалар да бар. Туганнары, волонтерлар һәм битараф булмаган түбәнкамалылар гуманитар ярдәм җыярга булышты. Барлыгы 23 тонна йөк җибәрелгән.

«Безнең яклаучыларны бер көнгә дә онытмыйбыз. Алар туган җирләренең ярдәмен тоеп торсын өчен, сугышчылар өчен һәрдаим иң кирәкле әйберләрне җыябыз», — дип яза Түбән Кама мэры Рамил Муллин.