Түбән Камада инсульт кичергән кешеләргә ярдәм итү үзәге ачыла

Түбән Камада инсульт кичергән кешеләргә ярдәм итү ресурс үзәге ачыла.

Проектны Түбән Кама муниципаль районы башлыгының инклюзия мәсьәләләре буенча ярдәмчесе Алина Вәлиева һәм «Милосердие» үзәге ярдәме белән «Мы вместе — Без бергә» коммерциячел булмаган оешмалар һәм Түбән Каманың «Татарстан Республикасы инвалидлар җәмгыяте» башлап җибәрде.

Администрация үзәк өчен Бакый Урманче урамындагы 24 нче йорттагы «Ветераннар йортында» бүлмә бүлеп бирде.

«Хөрмәтле Түбән Кама халкы! Шәһәрдә инсульт кичерүчеләр һәм аларның туганнары өчен «ПроДвижение» ресурс үзәге ачыла. Үзәк безнең шәһәрдә инсульт проблемасы белән шөгыльләнә. Үзәкнең максаты — авыру белән очрашкан кешеләргә, шулай ук аларның якыннарына һәм туганнарына ярдәм итү. Инсульттан соң кешеләр бала кебек булалар. Аларга тормышны нульдән башларга кирәк. Алар яңадан яшәргә өйрәнәләр: киенергә, аяк киеме кияргә, караваттан торырга, ризык әзерләргә, чәнечке һәм кашык тотарга, кирәкле әйберләр алырга, кер юарга, фатирны җыештырырга, бәдрәфкә йөрергә, утырырга, йөрергә, сөйләшергә», — дип язган үзәкне оештыручыларның берсе Альбина Гатина.

Оештыручыларга үзәкне җиһазландыру өчен ярдәм кирәк. Тренажерлар, өстәл уеннары (кубиклар, мозаика, пазллар һ.б.), мебель таләп ителә. Элемтә өчен телефон номеры: 8 (919) 635-13-92 (Альбина Гатина).