Түбән Кама хастаханәсе шоферы гуманитар йөкне илтү өчен Ростов-на-Донуга китте

Түбән Кама РҮХнең ашыгыч ярдәм йөртүчесе Дмитрий Киселев гуманитар йөкне илтү өчен Ростов-на-Дону шәһәренә китте. Бу хакта больницаның матбугат хезмәте хәбәр итә.

Ярдәм җыюга ул ашыгыч медицина ярдәме станциясе коллективын, хезмәттәшләре-шоферларны да җәлеп иткән, соңрак бу эшкә хастаханәнең башка хезмәткәрләре һәм битараф булмаган шәһәрдәшләр дә кушыла. Гуманитар йөк җыюда шәһәр предприятиеләрнең берсе дә катнашты.

Түбән Кама хастаханәсе коллективыннан госпитальгә антисептик тартмалар, матраслар, мендәрләр, одеяллар, урын-җир, җылы курткалар, азык-төлек һәм солдатларга кирәкле башка әйберләр тапшырылды.