Түбән Кама педагоглары махсус хәрби операция урынындагы солдатларга 750 мең сумнан артык акча тапшырган

Түбән Кама муниципаль районы мәгариф идарәсе башлыгы Айдар Гарифуллин искәртүенчә, әлеге акция шәһәр мэры Рамил Муллин тарафыннан игълан ителде.

Түбән Кама педагогик коллективларының шәхси акчаларыннан волонтерлык үзәкләренең исәп-хисап счетларына 761 мең сумнан артык акча күчерелде, дип сөйләде Гарифуллин. Җитәкче сүзләренчә, шуның 718 мең сумына гуманитар ярдәм алынган инде.

Үз чиратында, мәктәп укучылары һәм өстәмә белем бирү учреждениеләре тәрбияләнүчеләре махсус хәрби операциядә катнашучы сугышчыларга 5 меңнән артык хат, рәсем һәм открытка җибәргән.