Түбән Кама кул эше осталары солдатлар өчен йон оекбашлар бәйли

Калган көннәрдә дә алар тик ятмый – оекбашларны өйләрендә бәйли.

Оста куллы апалар исәбендә 30дан артык пар бар. Болар белән кофе, бинт, кәнфит һәм изге теләкләр белән язмалар да җибәреләчәк. Тиздән болар барысы да солдатларга тапшырылачак.

Мондый игелекле эштә теләге булган һәркем катнаша ала. Җеп яки әзер оекбашларны Халыклар дуслыгы йортына алып киләргә була. Ә теге яки бу сәбәп аркасында киләргә мөмкинлек булмаганнар, 8 (8555) 42-05-35 телефоны буенча кабул итү бүлмәсенә мөрәҗәгать итә ала. Шуннан соң җепләр өйләргә китереләчәк. Һәркем бу яхшы эштә үз өлешен кертә алачак.

Шулай ук Халыклар дуслыгы йортында гуманитар ярдәм дә кабул ителә. 70 банка тушенка, 50 комплект кием, салфеткалар, теш щеткалары һәм хәтта хәрби бинокль — боларның барысын да битараф булмаган түбәнкамалылар китерде. Җыю ветераннар Советы тарафыннан оештырылды.

Посылкаларны атнага бер тапкыр «Сугышчан туганлык»ның ветераннары җибәрә. Ярдәм җыю акциясе даими булыр дип көтелә.