Яшь түбәнкамалылар «Солнце в каждом» исемле беренче иҗат фестивале лауреатлары булдылар

Яшь түбәнкамалылар — Данис Чупашев һәм Сабина Суптеля «батыр» балалар өчен «Солнце в каждом» дигән беренче республика иҗат фестивале лауреатлары булдылар. Бу хакта Түбән Кама хакимиятенең матбугат хезмәте хәбәр итә.

Фестиваль «Сандугач» хәйрия фонды тарафыннан оештырылган һәм сәламәтлек мөмкинлекләре чикләнгән балаларның талантларын ачуга һәм үстерүгә юнәлдерелгән.

Чара барышында балалар үзләренең иҗади номерларын вокал, инструменталь иҗат, хореография, нәфис сүз, театр сәнгате һәм декоратив-кулланма сәнгать номинацияләрендә күрсәттеләр.