НТР медиахолдингы «Кыш бабай бул!» хәйрия акциясен башлап җибәрде

НТР медиахолдингы матур гадәткә кергән «Кыш бабай бул!» хәйрия акциясен башлап җибәрде. 

Әлеге акция 17 нче ел рәттән уздырыла. Аның кысаларында без авыр тормыш хәлендә калган балаларга һәм ялгыз өлкәннәргә бүләкләр җыябыз. Мохтаҗларга теләгән һәркем яңа ел бүләге әзерли ала. 

«Кыш бабай бул!» акциясендә катнашкан һәр түбәнкамалыга без бик рәхмәтле. Бүләкләр безнең редакциядә, Химиклар урамы 64 а йортында кабул ителә. Татлы бүләкләрдән кала уенчыклар, китаплар, язу-сызу әсбапларын алып килергә була. Соңрак алар һәр баланың яшенә, яраткан шөгыленә карап, шәхси тупланма итеп җыелачак.