Шигырь

Сиңа булган сөюемнең
Оч-кырые юктыр сыман.
Икебезгә төшкән гүя,
Зәңгәр күктән 
               якты томан.

Качкан күңел 
               тынычлыгын
Мин бит бары 
         синнән таптым.
Ташлап киткән 
                  ышанычым,
Чәчәк тотып, 
             миңа кайтты!

Юллар ябык төсле иде,
Минем өчен киләчәккә.
Бу дөньяда булганыңа
Рәхмәт укыйм
                    күрәчәккә.
Исем китте: 
                яшәү матур,
Яшәү үзе бер җыр икән.
Бездән бәхетлерәк 
                         парлар
Бу дөньяда бармы икән?!

Качкан күңел 
               тынычлыгын
Мин бит бары 
         синнән таптым.
Киләчәккә өмет белән,
Яшәү, үзем 
           сиңа кайттым!
Мария ЛОГИНОВА-ПАШИНА.