Шигъри тәлгәшләр

               читкә түгел
Илтә туган ягыма.
Туры килдем
                 агачларның
Яфрак ярган чагына.

Юлларыма 
               юлдаш булды
Кояш яктырткан 
                        нурлар.
Бу минем 
    ничәнче кат үткән
Үземә таныш юллар!

Авыллар кала, 
                       салалар
Юл буйлатып, 
                       озатып.
Юлчыларның 
                   күңелләрен
Без бар, диеп юатып.

«Без бар,
         без авыллар исән,
Чыкмаган,бар, 
                       җаныбыз.
Безнең әле яшәр өчен
Хакыбыз бар чагыбыз!»

Чәчү көткән 
                     басуларны
Иркәли күңел күзе –
Бу туган якка илтүче
Юлларымның 
                       нәкь үзе!
Моңнарымның нәкь үзе.
Илзирә ВӘЛИУЛЛИНА.