Ретро концерт

Ретро җырлар тапшырдылар

Тын да алмый тыңладым.

Бүген дә колакта чыңлый

Моңнары шул җырларның.

Тамактагы төер эреп,

Әйләнде күз яшемә.

Сабый баладай үкседем,

Сигез дистә яшемдә.

Без исән бит, тыңлаучы бар

Нигә "ретро "диләрдер?

Заман җырларыннан якын

"Безнең җыр»лар, нигәдер.

Ретро түгел, безнең җыр ул,

Гасырлардан килгән җыр.

Афәт,сугыш михнәтләрен,

Ачлыкларны җиңгән җыр!

Шушы җырларда саклана

Милләтнең бар байлыгы.

Шуңа табынып яшим мин

– Социализм калдыгы.

Фото: https://pixabay.com/ru/