Әле без бар...
Шулдыр бәхет: алтын көзләргә керәбез. Җиһанның бар матурлыгын без күрәбез.
Яз кайтыгыз туган якка сайрар кошлар!
Каршыларбыз, әле без бар, әле без бар.
Шулдыр бәхет: алда көтәр көнебез бар,
Кеше иткән иманыбыз, телебез бар.
Дөнья күрер өчен күңел күзебез бар,
Без яшибез, әле без бар,әле без бар!
Шулдыр бәхет: оныкларны без сөябез,
Ата-баба каберенә баш иябез.
Аңа гына чамабыз бар, хәлебез бар,
Әле без бар, бу дөньяда әле без бар.
Шулдыр бәхет: әле зиһен чуалмаган,
Шулдыр бәхет: әле хәтер югалмаган.
Җырыбыз бар, моңыбыз бар, сүзебез бар.
Әле без бар, әле без бар, әле без бар!
Никифор Тукмачев
Фото pixabay.com сайтыннан.
"Одноклассники"да сезне көтеп калабыз.
Следите за самым важным и интересным в Telegram-каналеТатмедиа
Нет комментариев