Үзе өчен, ди

3 апрельдә федераль куркынычсызлык хезмәте хезмәткәрләре тикшерү-үлчәү постында «LADA Granta» автомобилен туктатканнар һәм эчендә зур күләмдә наркотик тапканнар. Ачыкланганча, аның хуҗасы – йөртүче түгел, ә шул машинаның пассажиры икән. Ир 49 грамм гашиш һәм 36 грамм марихуананы үзе өчен сатып алганын әйткән, гаебен таныган һәм эшне махсус тәртиптә (суд тикшерүен уздырмыйча гына) карауларын сораган. Наркотикларның «көчле» булмавын, гаепләнүченең элек хөкемгә тартылмаганлыгын һәм ике бала тәрбияләвен исәпкә алып, суд аны шартлы рәвештә 3 ел 6 айга хөкем иткән.