Түбәнкамалыларга аттракционнар паркында «Автодром»ны реконструкцияләү процессын күрсәттеләр

Түбән Каманың «Юность» аттракционнар паркында тулы реконструкция дәвам итә.

Шәһәр администрациясенең матбугат хезмәте хәбәр иткәнчә, хәзерге вакытта «Автодром» аттракционының идәнен урнаштыру буенча эшләр алып барыла.

Хәзер ул күзәтү тәгәрмәче янында булачак.

«Тиздән һәркемнең яраткан паркы заманча иҗтимагый киңлеккә әвереләчәк, анда елның теләсә кайсы вакытында килү рәхәт булачак», — дип ассызыкладылар хакимияттә.